كل يوم زوّادة: دعونا نستحق النعمة التي وهبنا ايّاها ربنا : 16 / 3 / 2021 /

[souad jaalouk]

لكل يوم زوّادة: دعونا نستحق النعمة التي وهبنا ايّاها ربنا

ما في وردة بتتطلّع بالوردة اللي حدها بالجنينة و بتقول: ليك لونها، ليك وراقها، انا احلى منها...
ما في شجرة بتتطلّع بجارتها و بتقول: يا حرام ما عملت فواكه، ليك شو وراقها صفر اكيد مريضة...
ما في نهر بيقول ليك البحر شو مالح و ملوّث و شوفو انا شو نضيف...
ما في كوكب بيقول انا احلى منكن، انا ببرم اسرع منكن، انا عندي قمار اكتر منكن!
من كل المخلوقات اللي خلقها ربنا ما في الّا الإنسان مُصِرّ عاطول يقارن حالو بغيرو و يضوّي عا عيوب غيرو و مش قبلان الّا يعيش حياتو و حياة غيرو! هيدا و ربنا ميّزو عن كل الباقيين و حَبّو اكتر شي و رفعو لدرجة خلقو عا صورتو و مثالو و الإنسان مُصِرّ يشوِّه هالصورة بأفعال سطحيّة و غريبة عن منطق ربنا! خلصنا غرور! خلصنا خبث! خلصنا حشريّة! خلصنا غيرة! خلصنا كره! خلصنا حقد! خلّونا نستاهل المرتبة اللي عطانا ياها الله و نمجدو و نرتّل سوا نشيد المخلوقات...يوم مبارك!