الشهيد بيشوى استفانوس من شهداء ليبيا ال 21

[Mary Naeem]

تعرف على قصة الشهيد بيشوى استفانوس من شهداء ليبيا

قصة الشهيد بيشوى استفانوس من شهداء ليبيا ال21 اليوم الذكرى السماوية والسنوية السادسة على الاستشاد . فلتكن صلواته امام مخلصنا الصالح مع جميعنا أمين
لمتايعة كل قصص شهداء ليبيا تابعونا على صفحة الشهداء
الشهيد بيشوى استفانوس من شهداء ليبيا ال 21
من مواليد 4 سبتمبر 1990 بقرية العور مركز سمالوط المنيا ووالده السيد استفانوس كامل وهو فلاح بسيط ووالدته السيده ايزيس غطاس التى تتميز ببساطه شديدة الشهيد بيشوى إستفانوس حاصل على دبلوم فنى صناعى له أربعة شقيقات وشقيقين وهو الشقيق الاكبر للشهيد صمؤيل استفانوس التحق بيشوى بالخدمة العسكرية بالقاهر وكان دائما يحضر الاجتماع بدير القديس سمعان الخراز بالمقطم وبعد انهاء خدمته العسكرية كان يتنقل للعمل بين المنيا والسويس والاسكندرية فى مجال المعمار وبعد ذلك قرر السفر الى ليبيا وكان فى منتهى السعادة للخيرات التى حصدها من العمل فى ليبيا استمر عامين وكان يجمع تبرعات ليرسلها للكنيسة لمساعدة المحتاجين وكان دائما يتعزى بكتب وعظات قداسة البابا شنودة الثالث لانه كان شماس . ومن العجيب اللى ذكره السيد ابراهيم فوزى يا سلام لو تتبنى كنيسة هنا فى قريتنا فرد عليه الشهيد مش هيحصل الا بالدم وفعلا تحققت أمنيته .
أما والدة الشهيد كانت قاعدة فى مزار الشهيدين أولادها فظهر لها الشهيد بيشوى فنادى عليها فقالت له اسم الله عليك يا حبيبى أنت جيت مجبتش صموئيل أخوك معاك ليه فرد عليها وقالها انتى زعلانه ليه كده أحنا كويسين وفى مكان جميل إفرحى بأولادك وأنا جتلك أهو وبأطمن عليكى . وبتقول إدانى فلوس ومسكتها بـ إيدى وقولتله يا ابنى أنا مش عاوزه فلوس أنا عاوزاكم أنتوا وبعدها أختفى فبكيت وحسيت إن صموئيل واحشنى وفجأة لقيت صموئيل داخل من الباب وقاللى أيوه يا أما زى عادته لما كان بيجى من بره بجسمه وصوته كأنه لسة عايش معايا فقلتله مقعدتوش ليه يا ولدى معايا فرد عليها وقالها أنا مش عاوزك تزعلى وأفرحى بأولادك أنا جاى أشوفك وأطمن عليكى وأطمنك أنى فى مكان جميل قوى وأختفى بعدها .
بركة صلوات الشهيد بيشوى والشهيد صموئيل تكون معانا . أمين