14 - 02 - 2021, 01:34 PM
|
|
|
|
..::| الإدارة العامة |::..
|
|
|
|
|
|
انت فين في الصورة ؟؟
لما تبص علي صورة في رحلة كنت فيها
،اول واحد عينك بتيجي عليه مين ؟؟
انت نفسك طبعا..
اوعي تقول لي علي اصحابك او اهلك او شريك حياتك او أولادك !!
كل دول بييجوا في الآخر بعد ما تدور علي نفسك
و تطمن انك موجود في الصورة و شكلك" حلو و منور
" ، و بعدين ندور علي اي حد تاني ..
دي الطبيعة الإنسانية ..
الكون بيلف حواليك انت الاول ..
و لو اتعزمت اول طبق بتعمله ليك انت ،
و اول كرسي ح تدور عليه ليك انت ؛
و لو وقفت في طابور ح تدور علي اول و احسن مكان ، و لو ركبت الاوتوبيس او القطار او الطيارة ح تجري علي اول و اريح كرسي ..
ناس قليلة جدا جدا بتدور الاول تريح و تفرح غيرها الاول ..
منهم الاب و الأم طبعا ..
و منهم اللي بيحب الناس بجد، و فاهم الحب صح ..
و قبل الكل اله الحب اللي وضع حياته لاجلنا ..
كده الحب يبقي عيد لما تدور تسعد غيرك الاول ..
و ح تكتشف اجمل حقيقة في الكون :
ان اللي بيحب الاول كل كل الناس و كل الدنيا بتحبه هو الاول ..
عيد الحب انك تشوف صورة الناس قبل صورتك ..
|
