|
 |
 |
 |
|
رقم المشاركة : ( 1 )
09 - 08 - 2012, 12:26 AM
|
|||||||||||
|
|||||||||||
|
إحنا عيشتنا شُكك .. لأن إحنا كل حاجة عندنا دين...فحياتنا شُكك ..!! يعنى حياتنا ع الحساب ... ع النوتة ... كله مؤجل لحين الفصل فى الدين .. إحنا بننام دين... ونصحى دين .. ناكل ونشرب ونلبس دين ..نمشى دين ونركب دين ... ننزل دين ونطلع دين .. الدين بيقول ..الكتاب بيقول ..فلان بيقول .. إحنا كلنا بنقول ... بنخاف بالدين ..ونترعب بالدين ...ونتشجع بالدين ونفرد عضلاتنا بالدين ونفتح صدورنا بالدين ...ونتكلم دين .. الدين نفسه جواه دين ..!! لو كلمت واحد يقولى الدين بيقول .. لو واحد طلب رأيى عايزنى أقوله بالدين .. ولو طلبت رأى واحد شرحهولى بالدين ... ولافرق بين مسيحى ومسلم ويهودى واعجمى وجاهل وشاب عاطل وراجل صايع وست محتاسة وعيل ببربور .. إلا بالتقوى والتقوى دين ... وطالع دين اللجنة الدستورية عشان تحط لنا مادة فيها دين ..!! وطالع شيخ الأزهر عشان يسحب أيده م الدين .. ويطالب الأقباط يحطوا لهم مادة فيها دين ... المسلسلات دين ...التلفزيون دين .. البرامج دين... اليفاطة دين ..الشارع دين ... الأنتخابات دين ...الترشيح دين ..المرشح دين ... وفى الدين كل شئ مؤجل ...حياتك نفسها مؤجلة ... كله ...بعدين بعدين اعمل كذا عشان تاخد أجر وثواب ..طيب فين ؟ بعدين ..!!! خليك هادى ورزين وحكيم وصبور وضعيف ومسامح عشان تدخل الجنة أمتى ؟ بعدين ..!!! ماتعملشى كذا لآحسن تروح جهنم وتتعذب ... ؟ بعدين ..!!! كأننا عايشين شُكك .. إحنا بنعيش وغيرنا بيعيش برضه... غيرنا هنااااك ..ع الضفة التانية ناش عايشين بس مش مؤجلين ..!! إحنا بنموت وغيرنا برضه بيموت ... لكن الفرق أن دول عاشوا صح ..وأحنا مش عايشين .. إحنا كلنا مؤجلين ... إحنا شعب فيما بعد ... إحنا بعدين بعدين ... فأزاى عايزين دولة مدنية ؟؟ بأمارة أية إن شاء الله ؟؟ هتجيبوها منين ؟ وهتعملوها أزاى ؟ هيعملها المسلم اللى عايز يحط أحكام شريعته فى الدستور ؟!ّ! والا المسيحى اللى بيطالب بدولة قبطية ؟؟ والا من اللى قاعدين بيتفرجوا على دولى ودكوهما ؟؟ ولما يختلفوا يطلع لهم واحد معتدل مبتسم هاااادى باااارد قابض بالدولار من الفضائية ... يقولهم : (( الى الله مرجعكم جميعا فينبئكم بما كنتم فيه تختلفون )) ... !! ومأجلها لغاية ما نرجع لك لية طيب ؟؟ ما تقول من دلوقتى ...وتريحنا ؟ نعمل دولة مدنية ؟ وألا ...بعدين ؟؟ 
|
|
العرض الشجري