بتخبر صبيّة انها كانت عم تتمشّى و مرقت قدّام سناك سندويشات و شافت صبي زغير ببيع علب محارم الكيس اتقَل منّو ضاهر من المحل بإيدو سندويش. قرّب لحدّو صبي تاني. سألو الأوّل شو بعت اليوم؟ رد التاني ما شي، رجع سألو:جوعان؟ جاوب التاني مستحي: كتير...هالزغير اللي بتعبو اشترى سندويش قسمو بالنص و عطي صبي ما بيعرفو حتّى النص التاني... هالزغير قلبو اكبر من كتار بهالبلد مسكرين عيونن و دينَيُن عن وجع الناس و معاناتن...هيدا اذا ما بدنا نقول انّو هالطفلين اصلا مش مطرحن عالطريق و لا لازم يكونو عم يبيعو غراض تا ياكلو...هالزغير تقاسم سندويشتو بدون ما يكون حتّى عارف اذا بكرا رح ياكل او لأ،هالزغير اللي لأنّو بيعرف شو الجوع ما قبل حدا تاني يكون حاسس فيه و ما يعمل شي...ارجعو اطفال بقلوبكن حتّى تفوتو عا ملكوت السما!
02 - 01 - 2021, 04:43 AM
العرض الشجري