05 - 11 - 2020, 10:05 PM
|
|
|
|
..::| الإدارة العامة |::..
|
|
|
|
|
|
نقول تور يقول احلبوه !!
مثل عبقري قديم عن قلة الفهم و عدم التركيز و القدرة علي تشتيت الحوار في اي كلام ،
المهم ما لوش دعوة بموضوع الحديث !!
و دكتور "التشتيت" ده "عبقري" انه يتوهك، يوديك البحر و يرجعك "طبعا" عطشان !!
مخه مش مركز في كلامك و لا في حاجة من اصله !!
يتعبك في المناقشة و يحاورك و يناورك و "يعّلك" ، و يدخلك في متاهات و ما يطلعكش منها ،
أو لو طلعت تبقي مش عارف انت كنت بتتكلم في ايه اصلا !!
فيه مشهد جميل للعبقري "عادل إمام " في مسرحية "الواد سيد الشغال"
و هو بيتوه المخبرين اللي جايين يقبضوا عليه ، و قعد يحكي لهم في قصص غير مترابطة
و في الاخر رمي الافيه المشهور "بعد سنة ما لقوش الخاتم" !!
اهو صاحبنا ده كده ..
طبعا نحبه ، صدقوني نحبه ، و حياة العيش و الملح بنحبه ،
بس الحب موضوع و التعامل معاه موضوع تاني خالص ..
الايام علمتني اني ما اخشش معاه في حوار طويل علشان "
سلامة نفسي و علشان ما يجيليش ضغط أو سكر (!!)
، إنما اتكلم كلمتين تراضيه و ضحكة بسيطة تفرحه،
و اتجنب الاستمرار في حوار مع واحد باقول "تور يقول لي احلبوه" ..
بالأمانة مش عندي حق ؟؟!
|
