|
 |
 |
 |
|
رقم المشاركة : ( 1 )
10 - 09 - 2020, 10:02 AM
|
|||||||||||
|
|||||||||||
 جوليا معنى اسمها بهجة أو فرحة ورد اسمها فقط في رسالة معلمنا بولس الرسول إلى أهل رومية في آية وحيدة " سَلِّمُوا عَلَى فيلولوغس وجُولِيَا."( رو15:16) تكلمنا عنها في شخصية برسيس وتريفينا وتريفوسا يمكن محدش يعرف عنها كتير لكن هتكون معلوماتنا عنها مرجعها السنكسار و التقليد البيزنطي والمخطوطات القديمة علشان نعرف عنها معلومات من قصتها هنتعلم كتير منها عاشت في حياة مسيحية وكانت تتعلم العلوم المسيحية على ايدي معلمين الشيطان هاج وتعرضت لتجربة صعبة ان هاج على القرية لصوص ونهبوا كل اللي البلد وأسروا كل البنات وباعوا جوليا جارية واشتراها واحد وثني وكانت تعيش المسيحية في الخفاء في بيت الوثني وحماها الله انها تحافظ على عفتها بعض المصادر تقول انها تزوجت فيلولوغس وأنجبت تريفينا وتريفوسا وبرسيس ويقال كمان ان فيلولوغس هو الرجل الوثني اللي اشتراها وآمن بالمسيح أي كان لكن تعالوا نتعلم من جوليا 1- جوليا المجربة مفيش أصعب من تجربة العبودية بعد الحرية احساس صعب لكن احتملت التجربة ورضيت بالأمر الواقع من غير تذمر 2- جوليا والتمسك بالعبادة كان ممكن تقول لي العذر اني في بيت وثني اني ابعد عن الكتاب والصوم والصلاة ومحدش كان يلومها لكن جوليا تمسكت بعبادتها لدرجة ان ربنا حفظ عفتها وزي ما اعطى نعمة ليوسف في بيت فوطيفار اعطى نعمة لجوليا في بيت الوثني 3- جوليا الأم الباذلة اهتمت بتربية بناتها لدرجة انه قيل عن تريفينا وتريفوسا التاعبتين في الرب وبرسيس تعبت كثيرا من أجل الرب تعالوا نطبق اللي اتعلمناه 1- في تجربتك تمسك بالصبر ولا تتذمر لأن وقت التجربة زي لعبة السلم والتعبان لو شكرت هترتفع ولو تذمرت هتبدأ من الأول 2- مهما كانت ظروفك لا يوجد عذر انك تتخلى عن كتابك وصومك وصلواتك وتذكر ان جهادك من أجل القراءة في الكتاب والصلاة والصوم في وسط صعب هيكون ليه مكافأة اكبر 3- ازرع في الجيل الجديد حبهم لربنا وخليك مثال ليهم صلوا من أجل الخدمه 
|
|
العرض الشجري