لكل يوم زوّادة: المحبّة على طول أكبر
انسأل مرّة احد الآباء شو لازم نعمل تا نحافظ عا اصدقائنا و ما نخسرن ابدا. جاوب: احتفظو عاطول بحفرة زغيرة لتدفنوا فيها اغلاط اصدقائكن!
بكلمات تانية شو عم يقلنا؟ متل اللي قالو يسوع...سامحوا، اغفروا، ما تشوفوا القشّة بعين خيكن و تنسوا الخشبة اللي بعينكن و غيرها كتير....
ما حدا ما بيغلط إلّا ربنا السلام لإسمو! ممنوع تحاسب غيرك عا غلطة الكل معرّض يوقع فيها... مع انّو بيقولو انّو الزعل من حدا بتحبّو بيوجّع اكتر من حدا تاني ما بيعنيلك... بس عاطول كل ما تزعلو من صديقكن اوّل شغلة لازم تعملوها انكن تتذكّرو ليش اصلا انت اخترتو من بين الكل تا يكون صديقكن ساعتها شو ما كان سبب الزعل رح يزغر و يدوب بنبع المحبّة اللي زارعو ربنا بقلوبنا و ما تخلّو يكون العتب قد المحبّة لازم المحبّة تكون عاطول اكبر من كل شي...الله معكن
25 - 08 - 2020, 04:24 PM
العرض الشجري