24 - 08 - 2020, 06:42 PM
|
| |
..::| مشرفة |::..
|
|
|
|
|
|
علمتينا يا أمى
`````````````````````
علمتينا يا أمى إن فيه فرق بين الخادم والخدوم
مش كل الخدام خدومين
مش كل الخدام عندهم تلقائية الخدمة
الوداعة تخليك خدام الناس خدام للكل
+ العذراء خادمة الخدام عاشت بروح الخدمة عاشت آخر الكل وخدامة للكل
علمتينا يا أمى إن الخدمة خدمات ب صفات
الخمس خدمات
``````````````````````
خدمة الهيكل
- خدمة يوسف النجار
- خدمة أليصابات
- خدمة الصليب
خدمة متياس
الثلاث صفات فى كلمة صمت
= صلاة دائمة
= محبة الكل
= تواضع شديد.
علمتينا يا أمى إن من كتر الصلاة تولد الفضائل
كل الفضائل بنات الصلاة
–نفسك فى تواضع يجى بالصلاة
–نفسك فى نقاوة القلب تيجى بالصلاة
–نفسك ربنا يسمع صلاواتتك تيجى بالصلاة
من كتر الصلاة ربنا بيستجيب ...
بيبقى لك دالة ..
بيبقى لك شفاعة ..
بيبقى لك مركز عند ربنا ..
+ العذراء كانت أجمل أيقونة للصلاة الدائمة
علمتينا يا أمى إن لما ها نخضع للوصية ها نشوف حاجات الناس مش شايفينها
– هانشوف ربنا واضح ..
– هانشوف إيده ..
– هانشوف معجزات فى الوقت اللى الناس مش شايفة فيه
كل ده بس لأنك إنتى قلتى "حاضر" وده إللى وصتنا بيه العذراء مريم حينما قالت "مهما قال لكم فافعلوه"
علمتينا يا أمى أنه فى الصمت نسمع الله يكلمنا ونرى كثيراً من عجائبه
علمتينا يا أمى إن الخادم الحقيقي يبدأ عمله من تحت الصليب ليتمتع بأمجاد القيامة
علمتينا يا أمى إن إحتمال الضيقات فى طاعةٍ وخضوعٍ يزكى المؤمن عند الله لمجدٍ أبديٍ ينتظره
+ وهانفضل نتعلم منك يا أمى على مر العصور
+ إشفعي فينا وصلى عنا أيتها العذراء دائمة الطهر والنقاوة آمين
كل سنة وانتم طيبين يا غاليين
كل سنة واحنا بشفاعة امنا العدرا متمتعين
ام النور تفرح قلوبكم...
التعديل الأخير تم بواسطة souad jaalouk ; 24 - 08 - 2020 الساعة 06:53 PM
|
