|
 |
 |
 |
|
رقم المشاركة : ( 1 )
23 - 08 - 2020, 11:38 AM
|
|||||||||||
|
|||||||||||
 يادى الكسوف.. كلمة ياما اتسمعت و اتقالت لما بنبقي مش عاملين حسابنا في حاجة .. و انت بتحاسب في سوبر ماركت و طلع الحساب اكتر من اللى في جيبك.. في فرح البوفيه ما كفاش.. في عزومة نسيت الدعوة او ما كنتش لابس اللبس الرسمى في حفلة أوبرا مثلا.. او عزومة و اللى جم اكتر من المتوقع او نفسهم كانت مفتوحة و ضربوا اللى موجود .. في الاخر موقف يكسف.. و بيبقي فيه اضطراب و شعور بالخجل و محاولات للتغطية و يمكن تبادل اتهامات.. يعنى جوزها يقولها عمالة تعبي من السوبر ماركت من غير حساب الناس تشترى بالعقل.. و لا تقول لجوزها قلت لك نزود السندوتشات و لا اللحوم بدل الكسفة اللى احنا فيها.. او عاجبك كده فضحت بنتك قدام عيلة عريسها على شوية جاتوهات كنا زودناها.. عرس قانا الجليل اللى غالبا فيه قرابة مع العدرا او معرفة و المسيح راح و طبعا المسيح معاه تلاميذ و ناس بتتبعه يعنى ناس مش معمول حسابها.. و ماعدش الموجود يكفي.. يادى الكسوف.. أقف قدام ربنا و بعدين يقولى ايه يابنى المنظر ده.. ما ينفعش تخش..😔... مشكلة و لا ظلم واقع و الواحد ضعيف و لا حبيب و لا قريب و لا غريب 😊 و لا إمكانيات خالص.. ياما قولنا يادى الكسوف.. قوم العدرا الجميلة الحنينة الرقيقة و اللماحة بتاعة الستر و السند تجرى على المسيح و تقوله ليس لهم... فيه واحد يقول ما عندهمش سخرية او إقرار حقيقة او لوم.. لكن ستنا تقولها بتوسل.. كمالة الجملة ليس لهم.. حتسيهم؟ او ليس لهم.. اتصرف.. بس حتى الكمالة ما بتقولهاش علشان ما تجرحش احساسنا بعجزنا.. يفهمها من عينيها فيكمل و يخلق و يدى بفيض و يكسر حتى الزمن علشان خاطرها .. ست اجران..!!!! أقصى حلم يحلمه أصحاب الفرح اى خمر يلم الموضوع حتى لو ردىء.. لكن لما تشتغل مع ربنا و العدرا تبقي في المشهد تاخد شغل نضيف.. تبقي خلصانة بشياكة..ست اجران و خمر جيدة.. شبع و فرح و رضا أقف اصلى اقول اى كلام و السما تبقي مندهش من ضعف الكلمات تبص العدرا لابنها و تقوله ليس له.. توبة مش راضية تتم و كل ما اقوم أقع.. حاجة يعنى تكسف.. تبص له و تقوله ليس لهم.. قوم يتدخل و يسند.. كسرة قلب ووجع و كآبة و الفرح غايب.. تبص له و تقوله ليس لهم.. خليك ناصح ودخل العدرا في تفاصيل حياتك و اضمن انها ما بتبقاش مجرد ضيفة دى صاحبة بيت لماحة.. عند الجد تبص له و تقوله ليس لهم.. مع العدرا صعب اقول يادى الكسوف.. مع العدرا يتردلنا بهجة خلاصنا اللى راحت كل سنة و انتم طيبين و مستمتعين بسندها و شفاعتها 
|
|
| قد تكون مهتم بالمواضيع التالية ايضاً |
| الموضوع |
| يادي الكسوف |
| الكسوف من الفضاء |
| كيف يؤثر الكسوف الشمسي على سلوك الحيوانات؟ |
| كيف تتصرف.. الحيوانات وقت الكسوف؟ |
| نشطاء لـ أدرعي مش هتصلي الكسوف يا شيخ أفيخاي |
العرض الشجري