|
 |
 |
 |
|
رقم المشاركة : ( 1 )
19 - 08 - 2020, 06:32 AM
|
|||||||||||
|
|||||||||||
 كلنا بشر... وكلنا معرضين نغلط.. بس اسمحوا لي ببعض النقاط لاحظتها في الآونة الأخيرة :- ١ - بلاش تكون متصيد لأخطاء الآخر.. يعني لما تلاقي نفسك شايف خطأ حد.. قبل ما تعلق او تتكلم اسأل نفسك... :- هو انا فرحان انه غلط عشان اقعد ابهدل في تصرفه؟ .. يعني ما صدقت انه غلط؟ .. فرحان بغلطه؟ .... شمتان في وقعته؟... دور على الدافع جواك اللي بيخليك تنقد قبل ما تتكلم ولو لقيت نفسك مستنيله الغلط.. اصمت شوية ماتتكلمش على طول وراجع دوافعك. ٢- لما ننقد... ننقد موقف وليس شخص... يعني لما واحد يكذب مثلا مثلا... ماتقولش ❌ فلان ده كداب وكلامه كله كذب... تكلم عن موقف أخطأ فيه وليس صفه تشمل حياته كلها.. خليك منصف 😘 وكمان خلي نقدك على اد الخطأ.. ماينفعش تقتل نملة بمدفع يكفيها ضغطة بسيطة 😉 ماتزودش جرعات اوفر تنقلب القضية عكس اتجاهها ٣- اسأل نفسك.. هو انا هدفي ايه من النقد ده؟؟؟ هل لعلاج وضع؟؟؟، هل دفاعا عن قضية معينه؟ ام فقط تشهير؟ او عاوز ألم لايكات وشير؟ وكمان اسأل نفسك... هل اللي بعمله ده هاتكون النتايج بتاعته فوايدها اكتر من اضرارها ولا الضرر اكتر؟ احيانا تحت شعار الدفاع عن قضايا... نسبب خساير نفسية واجتماعية ٤- هناك فرق بين الادانة وإبداء رأي في موقف معين... من حقك طبعا تقول رأيك بحرية... بس اهدي.. نقي ألفاظك وعباراتك... راجع دوافعك.... اختار المكان والزمان الصح... ماتستعجلش في النشر... عشان ممكن تبتدي بنقد بناء وتقلب إدانة وشتايم وخناق وفقدان سلام.. ٥- الكتاب بيقول : (مبرئ المذنب ومذنب البرئ كلاهما مكرهه للرب ) .. يعني اوعي تستعجل فتجعل البرئ مذنبا.. وكمان بلاش مشاعرك لحد وعلاقتك بيه تخليك تلتمس له التبريرات وتدافع بالخطأ فيستشعر هو حقه في الخطأ وعدم الاعتذار... وتقدم نموذج خاطي في التربية للآخرين... خليك حقاني ومنصف ٦- استخدم طريقة الساندويتش حاول دائما امتداح الشخص و بعد ذلك قدم له النقد ثم اختم بشيء إيجابي عنه أو عن عمله كي لا تجعله يشعر و كأنك تهاجمه 🙏 اخيرا ماتتسرعش في الحكم ادرس الموقف كويس اسمع كل الأطراف نقي عباراتك والفاظك وراجع نفسك لتكون انت بتعمل اكتر منه بس لسة ربنا ساتر 🙏🙏🙏 ربنا يرحمنا د.سامح طلعت 
|
|
| قد تكون مهتم بالمواضيع التالية ايضاً |
| الموضوع |
| ربنا يعرفك اكتر ما انت تعرف نفسك |
| ربنا يعرفك اكتر ما أنت تعرف نفسك |
| شريط راجع إليك جزء 3 - ساتر ميخائيل |
| شريط راجع إليك جزء 2 - ساتر ميخائيل |
| شريط راجع اليك جزء 1 - ساتر ميخائيل |
العرض الشجري