|
 |
 |
 |
|
رقم المشاركة : ( 1 )
29 - 07 - 2020, 09:32 PM
|
|||||||||||
|
|||||||||||
 في زمن الكورونا الصعب ده تقريباً أغلبنا لو مش كلنا بنلبس كمامات وماسكات واحنا في الشارع وبنخلص مشاويرنا وبنشتغل، لكن أول لما نروح البيت خلاص بنقلع كل الماسكات ونغسل وشنا ونكون على طبيعتنا تماما! تخيل بقى واحد معندوش بيت ولا سكن ولا أي مكان آمن يقدر يرتاح فيه ويشيل الماسكات بتاعته ويكون فيه على طبيعته تفتكر هيكون مرتاح؟ أو عارف يعيش طبيعي؟ بنفس الطريقة احنا كبشر.. محتاجين يكون عندنا جو آمن ومريح، فيه نكون بنتعامل بطبيعتنا زي ما احنا ونِتقبل بميزاتنا وعيوبنا وتحدياتنا ومشاكلنا، لكن للأسف العالم الشرير اللي عايشين فيه ده بوظ كل حاجة جوانا وبرانا ومبقاش ممكن نرتاح بجد ولا نطمن ونتخلص من كل توتر وضغط جوانا غير لما نروح للوحيد اللي بيعرف يعمل كده دايماً وهو (السيد المسيح) اللي زمان غَير حياة واحدة كانت بتستخبى من الناس علشان محدش يشوفها من كتر كَسفتها من إنها اتجوزت ٥ مرات وفي الآخر كانت عايشه مع واحد مش جوزها، لكن الوحيد اللي مكانتش مكسوفة من نفسها قدامه كان هو السيد المسيح مش علشان اللي كانت بتعمله صح.. لكن ببساطة علشان لأول مرة حست بقبول لذاتها الحقيقية الصادقة في وجوده.. وتقدير وتفهم لإحتياجها الحقيقي اللي هو (احتياج لحب حقيقي مُشبع).. والنتيجة!؟ أخيراً لقيت شبعها وتسديد احتياجها للحب فيه لما حَبها زي ما هي.. بكل مشاكلها وعيوبها وأخطائها وخلاص مبقيتش محتاجة تاني تستخبى من الناس ولأنها فعلاً كانت صادقة زي ما وصفها راحت لأهل مدينتها وقالتلهم تعالوا شوفوا أخيراً في شخص فهمني وعرف كل اللي عملته القصة دي حصلت مع السيد المسيح لما اتقابل مع امرأة من السامرة ( إنجيل يوحنا ٤).. الرب يسوع المسيح لسه موجود لغاية دلوقتي علشانك وعايز يقبلك ويقدملك محبته ليك زي ما انت. إيه رأيك.. تحب تجرب تروحله!؟ 
|
|
| قد تكون مهتم بالمواضيع التالية ايضاً |
| الموضوع |
| أيها الرب الماسك الكل |
| الماسك السحري لبشرة أكثر شباباً |
| اقلع الكوتشى قبل ما تدخل |
| الماسك الخطير ممكن نسمية ماسك المناسبات |
| اقلع |
العرض الشجري