تأملات كتابية بالعامية (الله يكره الطلاق)

[walaa farouk]

انجيل متى
الاصحاح الخامس

6- الطلاق مت 5: 31-،32




مكتوب فى سفر ملاخى اخر اسفار العهد القديم ملا2: 16 "ﻷنه يكره الطلاق قال الرب اله اسرائيل" ربنا يسوع جى يعلى ويعمق الوصيه.. زمان كان مسموح يديها كتاب طلاق يعنى تقدر تتجوز تانى.. اما انجيل ووصيه الكمال يقول يسوع ان من طلق امراته الا لعلى الزنى يجعلها تزنى.. مغيش سبب او خلاف مهما كان المفروض يوصل للطلاق .. الا الزنى ﻷن بالزنى دخل طرف تالت فى علاقه مقدسه لاثنين بقوا واحد بوجود المسيح طرف تالت.. اذا اتبدل الطرف التالت بالزنا باظت العلاقه .. ده السبب الوحيد للطلاق.. اى حاجه غير كده التوبه تنفع!! التوبه علاج سحرى للعلاقات تستر بيوت وخطايا وعيوب.. ياربي يسوع ادينا التوبه اللى تحافظ على بيوتنا وتقدسها ادينا التوبه اللى مدخلش ابليس بيوتنا..