ميريهان حسين تنعى الملحن أشرف سالم
نعت الفنانة ميريهان حسين، الملحن أشرف سالم عبر حسابها على موقع تداول الصور والفيديوهات "إنستجرام".
وكتبت مريهان حسين: "مع السلامة يا صاحبي ياللي ياما وقفت جنبي وماسبتنيش في عز أزمتي وكنت دايما جنبي في حزني قبل فرحي ياما بروحك النقية رفعت معنوياتي وساعدتني اقف على رجلي وأنا كنت محبطة وضعيفة ومظلومة ومش شايفة خير في الدنيا دي وأنت كنت الخير اللي فيها أنت اللي كنت بتصبرني وتديني الأمل وتشجعني اكمل وتطمني أن كل ده هايعدي".
وتابعت: "أنا عدت عليا أيام اتعذبت فيها نفسيا وأنت اللي عمرك عمرك ماسيبتني اقع عدت علينا سنين أنا مرضت فيها مرض مميت وقاتل وكان أهم حاجة فيه تفضل نفسيتي كويسة والفضل ليك أنت واهلي بعد ربنا في شفايا والله ما كنت صاحب بس كنت سند وراجل في ضهري وياما قاومت انكساري وقمت بسببك أنت يا صاحبي، أنا مقهورة على فراقك بس مش هاقولك مع السلامة هاقولك إلى اللقاء يا أغلى الناس".
وكان الشاعر فوزي إبراهيم، أعلن عن وفاة الملحن الشاب أشرف سالم عبر حسابه على فيسبوك، قائلا: "توفي إلي رحمة الله الملحن الشاب أشرف سالم إثر ذبحة صدرية اليوم اللهم أرحمه برحمتك الواسعة وأسكنه الفردوس الأعلى أمين".
هذا الخبر منقول من : الدستور
05 - 06 - 2020, 10:11 AM
قد تكون مهتم بالمواضيع التالية ايضاً
العرض الشجري