قصيدة : لا ياقلبى للشاعر أيمن نادى اسحق
لا يا قلبى أوعى لشرك تعود
وتعيش على هواك . وتسكن الخطية جواك
والشر عليك يسود. افتكر رب الجنود
عيش ليه ارفعه وعليه.عظم رب الوجود
حطم بيه أقوى القيود .عدى بيه أعلى السدود
لأانه هو اللى عنده تحقيق الآمال
حتى لو كان الأمر صعب أو محال
ولو القارب بيك مال.الحماية عنده أكيد مش احتمال
واوعى غيره يملكك ويتحكم فيك
هيزلك ويدوس عليك
ويخليك تعيش طول عمرك أسير
ويموت عندك الضمير . وتفقد الاحساس بالغير
وتنسى الرب القدير
واوعى تكون أنانى . وسيبك من العالم الفانى
اخذت ايه من شهواته غير أحزانك وأحزانى
لا يا قلبى اوعى تبعد عن ربى وتنساه
اوعى تنسى ان أحلى أيامى عشتها معاه
ده هو الغالى ده حبه خلاه
علشانى يتألم ويموت. علشان يدخلنى الملكوت
واتهنى بالعيشة معاه فى سماه
بقلم الشاعر أيمن نادى اسحق
