زوّادة اليوم: ما لازم نخلّي الخطايا تتجمّع بنفوسنا : 26 / 5 / 2020 /

[souad jaalouk]

زوّادة اليوم: ما لازم نخلّي الخطايا تتجمّع بنفوسنا

بيخبرو انّو شب عم يقول لخوري الرعيّة عندو انّو ما بقا بدّو يعترف. سألو الأبونا ليش، جاوبو: يا ابونا عاطول برجع بعيد نفس الخطايا اكيد ربنا زهق منّي و انا ما عم بتعلّم كل مرّة بندم بعد ما اخطي! قلّو الأبونا: طيّب انت كل ما تنجوي الأرض ببيتك شو بتعمل؟ قلّو بمسّحها اكيد! قلّو الأبونا: متل ما بيتك كل ما انجوى بتنضفو و ما بتخلّي الأوساخ تتجمّع مرّة فوق مرّة كمان نفوسنا هيك! كل ما نخطي لازم نطلب الغفران و ما لازم نخلّي الخطايا تتجمّع بنفوسنا ابدا و لازم ننّضّف و نصفّي قلوبنا دايما!...الله معكن