17 - 05 - 2020, 06:46 AM
|
| |
..::| مشرفة |::..
|
|
|
|
|
|
زوّادة اليوم: يسوع سامح اللي صلبوه وإنتو شو ناطرين ؟؟؟
اوقات كتير حدا بيغلط بحقنا ما منقبل اعتذارو و ما بقا منحكي معو. اوقات بالعكس نحنا منغلط بحق حدا و منعتذر و ما بيقبلو يسمعونا او يسامحونا. و كلنا عنّا امثلة كتير! حتّى انّو في مشاكل عمرا اجيال لورا و بيورثوها بالعيلة! طيب كلنا منعرف انّو سر الاعتراف او سرّ التوبة واحد من اسرار الكنيسة السبعة. اذا ربنا بيقبل التوبة مين نحنا تا ما نقبلها!؟ اهم من ربنا نحنا يعني؟
اكيد في اشيا بدّا وقت و في جروح بدّا وقت اكتر من غيرا تا تشفى بس الأكيد انّو القلوب الصافية و النيّة الطيبة و اذا سلام المسيح موجود بحياتنا ما فينا ما نسامح! اذا منآمن عنجد ما فينا ما نسامح قد ما كان السبب كبير و صعب! البابا يوحنّا بولس الثاني سامح اللي جرّب يقتلو، يسوع سامح اللي صلبوه و انتو شو ناطرين؟!...الله معكن
|
