09 - 05 - 2020, 07:18 PM
|
|
|
|
..::| الإدارة العامة |::..
|
|
|
|
|
|
سيرة عطرة
+++الام الراهبة القديسه اليصابات +++
+++ دير الامير تاوضروس المحارب بالاقصر +++
امنا اليصابات قديسه من العيار الثقيل لها عشرة
وداله عند رب المجد يسوع .
كانت تحكي لاخواتها الراهبات وبكل بساطه عن مقابلاتها
مع قديسين كتير زي ابو سيفين والشهيد تواضروس ومارجرجس وغيرهم. حتي الشياطين كان تحاربها حروب مرعبه وهي كانت دايما تنتصر عليهم بالصلاه.
حتي انها اثناء الصلاة شافت السيد المسيح بنفسه
وهو ماشي في هيكل كنيسة الدير وايده مطبوعه
علي ستر الهيكل لحد دلوقتي،
لو روحتوا الدير هتلاقوا مكان ايده موجوده .
وصارعت المرض سنين كتير قبل نياحتها
حتي ان الامهات في الدير كانوا بيصلوا لربنا عشان يريحها
ويسترد وديعته لحد ما الانبا كاراس ظهر لأم في الدير
وقال لها انه لسه بيجهزولها المكان المناسب ليها في الفردوس
. وقبل نياحتها باسبوع صلوا تاني علشان هي تعبت اكتر
رجع الانبا كاراس وقال خلاص فاضل ايام وتنتقل علشان مكانها جهز. وتنيحت فى يوم ٤/ ٥/ ٢٠١٧ وهي الان بين احضان عريسها السماوي.
اذكرينا يا امنا امام عرش النعمة.
+++ بركتها وصلواتها تكون مع جميعنا آمين +++
|
