24 - 04 - 2020, 02:04 PM
|
|
|
|
..::| الإدارة العامة |::..
|
|
|
|
|
|
الجوع العاطفي، وحش بينهش النفس البشرية،
يخليها تاكل من الزبالة!! وهي عارفة انها زبالة ؛
دي احيانا ً تتعمد تاكل من الزبالة البعيدة،
كنوع من أنواع التمرد !!
نفوس حاسة بالإهمال أو الجوع،
بتجري بعيد تدور علي شبع،
وتستعطي الإهتمام،
وتستجدي الحب،
بتنكسر وتنحني وتقبل الذل والمهانة،
بتسد جوعها بأكل مش نضيف،
علشان ما يبانش جوعها للقريبين منها!
حِملان ضعيفة وهزيلة و غلبانة،
بتحلم بالمرعي
الأخضر،
وملقتش قدامها غير الخرنوب تشتهيه !!
نفوس مستحقة لحضن غافر،
و قلب شفوق يفهم وجعها !!
يا كل الأسر؛ خدوا بالكم،
قدموا حب لأولادكم، ولإخواتكم بأمانة،
إهتموا ، إهتمام أمين صادق،
للأمهات والآباء: احضنوا بناتكم وأولادكم،
اشبعوهم حب وتقدير وحنان،
وعرفوهم قيمتهم في المسيح يسوع ..
وقيمتهم في قلوبكم..
علشان ما يبيعوش نفسهم بالرخيص،
ولا يمرغوا نفوسهم في الوحل!
|
