اليوم اوّل ايام اسبوع الآلام. منتذكّر اليوم بس يسوع لعن شجرة التين اللي بيشبهوها للشعب اليهودي لأنها خضرا بس بلا ثمر متلن لأنّن بوقتها فرجو انّن ناس بدون ايمان! بعدين كمّل يسوع طريقو و وصل عالهيكل و شاف التجّار فيه و قلّن: "أليس مكتوبا بيتي بيت صلاة يدعى لجميع الأمم وأنتم جعلتموه مغارة لصوص"، بعدين شفي مرضى كتير خافو انّو الناس تلحقو و تآمن فقرّرو يقتلوه!
كل هالأحداث متل كأنها مراية للّي عم نعيشو اليوم! قدّيش نحنا اليوم ناس عنجد عايشين ايماننا و عم نعطي ثمار؟ او فاضيين و منشبه التينة اللي شافها يسوع؟ في تيّارات عم تستهدف كنيستنا اليوم، رح نخلّيها تجرفنا او رح نواجه؟ و نحنا في تحدّيات كتير بحياتنا، مثلا بس نشوف حدا بيشكّل خطر عا مصالحنا كيف عم نتصرّف؟ متل اليهود عم نخطّط نؤذيه او عم نشتغل عا حالنا حتّى نتحسّن؟ و غيرها من الأسئلة اللي بتطرح حالها...تأمّلو بهالأحداث اليوم و صلّو! الله معكن
07 - 04 - 2020, 03:13 AM
العرض الشجري