خليك بصير زي المولود أعمى

[walaa farouk]

المولود أعمى كان راجل مُحطم اجتماعيًا ونفسيًا وماديًا وعائليًا
وكان منبوذ كمان من المجتمع لان في الوقت دا كان بيتقال ان اللي اتولد أعمى أكيد أهله عملوا خطية كبيرة..
يعني نقدر نقول انه كان راجل عايش جوة "مأساة"

وف يوم يسوع برغم كل شيء مد ليه إيده وتحنن عليه
وكأن الله بيوصلنا رسالة انه ممكن يعدي أسوار عشان
يوصل لينا وعشان يعطي لنا "البصيرة"

المولود أعمى بيتقال عنه انه قبل ما يتردله البصر كان عنده البصيرة
مالامش ربنا بالعكس وثق فيه وآمن إيمان حقيقي
وصدقه لما طيَِن عينيه وقاله يمشي مسافة كبيرة عشان يروح يغسلها..

كأنه بيقوله انه حتى لو طين بس من تحت ايدك يارب
وانت مُشرف عليه فأكيد آخرها حلو..

يارب اعطينا إيمان مثل إيمان "المولود أعمى"
و ثقة في حكمتك وفي ايدك مهما كانت الظروف صعبة ومظلمة ومافيهاش نور..

إِنَّمَا أَعْلَمُ شَيْئًا وَاحِدًا: أَنِّي كُنْتُ أَعْمَى وَالآنَ أُبْصِرُ (يو 9: 25)