"َكْثُرُتْ أَوْجَاعُهُمُ الَّذِينَ أَسْرَعُوا وَرَاءَ آخَرَ." (مز ١٦: ٤)

[sameh shokry]

كل اللي بيسيب الأصل ويجري وراء وهم وحاجات وقتية مزيفة بيتعبوا ويكتشفوا انهم ضيعوا الحلو اللي كان في ايديهم .. بيخسروا كتير لانهم فكروا انهم هايلاقوا افضل من اللي في ايديهم .. زي اللي بيبقى في صحراء وفي ايده مياة بقالها فترة معاه بيشوف سراب يجري عليه ويسيب اللي معاه .. لكنه بيجري وراء وهم وضلال هايضيع حلاوة اللي معاه.

كل اللي سابوا الاصل وراحوا وراء آلهة أخرى (شهوة/ مال/ كرامة زمنية / أشخاص ...) كثرت أمراضهم وأوجاعهم واتعابهم ومشاكلهم ..فالمسيح وحده هو الأصل وهو الشافي لأرواحنا وأجسادنا ونفوسنا..

صلي وفتح عينيك ودوق فعلا حلاوة اللي انت فيه ناس كتير بتتمني اللي انت فيه واللي بين ايديك .. بلاش تبيع الغالي وتشتري الرخيص اللي قبلك فاتوه ..لأن الرخيص تراب مهما كان حلو ومغري .