بلبنان في كتير رعايا عا اسم مار روكز بس شو بتعرفو عنّو؟ هالقدّيس ولد بفرنسا. معروف عنّو انّو بيحب الناس كتير و لمّا توَفّوا اهلو كان عمرو 20 وزّع مصرياتو عالفقراء و ترك الأراضي لعمّو. بعدين لبس تياب بسيطة و سافر عا روما. بس وصل عا ايطاليا شاف مرض الطاعون متفشّي بين الناس و صار يخدم المرضى و يشفيهن بإشارة الصليب. حتّى هوّي انعدى طاعون و عَزَل حالو بعيد عن الناس و توجّع كتير، بس ربنا عطاه نعمة الشفاء. رجع عا فرنسا و عمّو كان الوالي بس ما عرفو! فكّرو جاسوس و حبسو. تعذّب كتير و اوّل ما توفّى بَيَّن نور بالحبس و لِقيو حدّو لوح مكتوب عليه:"من اصيب بالطاعون، والتجأ الى عبدي روكز، ينجو بشفاعته". و من وقتها مار روكز شفيع الأمراض المعدية...صلولو! الله معكن
13 - 03 - 2020, 04:31 AM
العرض الشجري