دوقوا عيالنا حلاوة المسيح

[walaa farouk]

ولادنا دايقين حلاوة العالم ...
خروجات اكل فسح تكنولوجيا 👈🏻 (مش خطية) .
وحتى جوة الكنيسة بيروحوا يلقوا النادى والكانتين ومنافذ بيع منتجات الاديره وشيكولاته صيامي ولبن ولانشون ولحمه صيامي واللعب والرحلات الترفيهية 👈🏻 (برضه مش خطية)

بس مش دايقين حلاوة المسيح وعشرته 😞
والخدام بيجروا يعملوا جذب للخدمة على شكل خروجات وفسح ونادى ورحلة
وبرضه مش دايقين حلاوة المسيح 😞
ويمكن لان حتى بعض الخدام هم نفسهم مش دايقين وكمان المخدومين فقدوا حاسة التذوق الروحي من كتر التذوق العالمى 👌🏻
اكيد فيكم خدام قلبهم موجوع وحاسين بالمشكلة ✋🏻
ولادنا وبناتنا كتبر منهم مش حابين لا صلاة ولا قداس ولا اجتماع ولا حاجة من ده كله 😞
دوقوا عيالنا حلاوة المسيح 😍
دوقوا ودوقوهم حلاوة التسبحة والقداس والكتاب المقدس وماتخافوش هو حلو ... حلو قوى ❤️ماتفتكرش انه لازم بس تعمله عوامل جذب بشرية (رغم اهميتها ) عشان تجيبه لربنا ده كمان التسبحة والالحان والدراسات الكتابية جذابة لو انت كخادم بتحب الحاجات دي داااااااايق حلاوتها ؟!

صدقونى خطر الاضطهاد والتفجيرات اللى جاى من بره ولاحاجة بالنسبة للخطر الداخلي المتمثل فى الضياع جوه الكنيسة بالظبط زى نجارين فلك نوح اللى كانوا ليل نهار فى الفلك وبيشتغلوا فيه وفى النهاية لم يستفيدوا به بل هلكوا