مرّة انسأل رجّال حكيم قدّامو كباية مَي: اي نص من كبّايتك شايف المليان او الفاضي؟ جاوب: بشكر الله انّو عندي كبّاية! اليوم، يوم الرب خلّونا نشكرو عا كل شي عنّا ياه بحياتنا و عا كل الناس اللي بحياتنا بدون ما نقعد نفحص الناس و الإشيا و نقيّمهن و نتطلّع بسيّئاتن و حسناتن...عندك بيت؟ اشكر الرب لو كان بينش غيرك ما عندو سقف، بتتخانق مع اهلك؟ اشكر الله غيرك بيتمنى يكونو اهلو معو، سيّارتك قديمة؟ اشكر الله عندك سيّارة غيرك ما عندو، رفقاتك بعاد عنّك؟ عالقليلة عندك اصحاب غيرك بيتمنى يكون عندو رفيق، مريض و مش قادر تضهر من بيتك؟ قول نشكر الله مرضك الو دوا غيرك لأ! خلّونا نقول الحمد الله عا كل شي بحياتنا و الله معكن.
20 - 01 - 2020, 03:24 AM
العرض الشجري