|
 |
 |
 |
|
رقم المشاركة : ( 1 )
03 - 01 - 2020, 09:31 AM
|
|||||||||||
|
|||||||||||
 مفيش علاقة حـب آمـِـنة 100% أو بدون أخطاء.. لأننا بنتعلم الحــب أما بنحب.. وأما بنعيش الحب.. مش لما بنسمع أو نتعلم عن الحب. وأخطاء الحب يشفيها المزيد من الحب.. مش المزيد من المشاعر أو الهدايا.. الحب اللى بيقبل.. الحب اللى بيعتذر.. الحب اللى بيعترف بالخطأ.. الحب اللى بيغفر للأخــر ولنفسه.. الحب اللى بيصبر.. الحب اللى بينصت.. الحب اللى بيقف يراجع.. ويحط حدود... والحب اللى بيقبل وجع التغيير عشان يكون حب أعمق.. وأنقى. الحب فى حد ذاته مغامرة كبيرة.. ليها مخاطر ومكاسب بتمس الروح والنفس والجسد.. لأنه لو كان حقيقى فعلاً.. فهيشارك فيه كل الكيان... فبيوجع كل الكيان.. أو يفرحه.. وبيبدل دايماً الأنسان فمش بيرجع زى ما كان سواء للأسوء أو للأفضل. الحب فى حد ذاته دايماً ايجابى وبيبنى.. لكن.. أختبارات الحب.. ممكن تـهــد.. وممكن تحطم شخص تماماً.. لأننا بنتعامل مع أقدس شىء بنفسيات.. وشخصيات وأفكار.. فيها تشوه.. ومش سوية للأخر.. ووقتها بنظلم الحب على نتايج.. هو مكانش له يد فيها.. وممكن نهرب.. ونستخبى.. ونبطل نحب... أو نكمل فى حب معكوك.. رغم أن أكبر أحتياج لينا فى الوقت ده.. هو المزيد من الحب.. بشرط يكون حب حقيقى. الحب سكة.. لا هو مشاعر ولا قرار.. المشاعر والقرار والأعجاب.. مجرد مدخل للحب.. أما الحب نفسه.. سكة طويلة.. ماينفعش تتمشى بدون يسوع الحب.. والا هانكون بنعرض نفسنا لخطر شبه اللى بيسافر للفضاء وينفصل عن السفينة.. فيتوه فى فراغ ماينفعش يرجع منه. يسوع الحب.. أما يكون موجود.. بيضبط.. ويؤدب.. ويعلم.. ويشفى.. ويحول جروح المحبة.. لنبع خير وشفاء لكثيرين. لو قررت تمشى سكة الحب.. فانت قررت أنك تتوجع وتتألم.. لأنك قررت تتغير عشان تبقى شبه يسوع الحب.. وكمان تبقى قررت أنك تبتهج بفرح لا ينطق به ومجيد.. فرح الحب وسكة الحب الحقيقى مش بتودى غير لمكان واحد.. قلب يسوع فى_الحب 
|
|
| قد تكون مهتم بالمواضيع التالية ايضاً |
| الموضوع |
| يجب أن تحبَّه وتفتحه وتقرأه وتتأمل جماله، وإلا فلا تقرأه |
| بينما أنت تغرق في صراعاتك وتتألم |
| قصيدة : مجروح وبتألم للشاعر أيمن نادى اسحق |
| وتتألم وتتوجع |
| نعم تتضايق معى وتتألم معى وترثى لضعفى |
العرض الشجري