يوحنا المعمدان المتواضع العظيم

[walaa farouk]

يوحنا المعمدان كان كل الناس بتحترمه، كان صاحب رهبة وهيبة
ومكتوب كدا "وَإِذْ كَانَ الشَّعْبُ يَنْتَظِرُ،
وَالْجَمِيعُ يُفَكِّرُونَ فِي قُلُوبِهِمْ عَنْ يُوحَنَّا لَعَلَّهُ الْمَسِيحُ،" (لو 3: 15)
يعني كان عنده الفرصة انه يحس بنفسه
ولكن في مشهد المعمودية بنشوف ان يوحنا
وقف بكل تواضع وخشوع قدام يسوع
يوحنا كان عارف دوره كويس أوي
يوحنا سَهِل المهمة لصاحب المهمة
ومانسبهاش لنفسه أو حاول يستغل هيبته وسط الناس
يوحنا قال كدا ليسوع لما يسوع طلب أن يتعمد
«أَنَا مُحْتَاجٌ أَنْ أَعْتَمِدَ مِنْكَ، وَأَنْتَ تَأْتِي إِلَيَّ!»" (مت 3: 14)
وهنا اعتراف منه أن يسوع هو الأعظم والأقوى..
ساعدنا يارب مانفكرش دايمًا ان احنا نكون الأكبر والأقوى في الصورة وننشغل بس بنفسنا لكن نعرف نسهلها على اللي حوالينا
ونعد ليهم الطريق.