اَلْفَرَسُ مُعَدٌّ لِيَوْمِ الْحَرْبِ أَمَّا النُّصْرَةُ فَمِنَ الرَّبِّ ( أمثال سليمان 31:21)

[walaa farouk]

اَلْفَرَسُ مُعَدٌّ لِيَوْمِ الْحَرْبِ، أَمَّا النُّصْرَةُ فَمِنَ الرَّبِّ.
سفر أمثال سليمان 31:21


فى الحرب :
لما الشيطان يعايرك بسقوطك المتكرر
بالرغم من جهادك قوله :
مش مطلوب منى انتصر
لكن مطلوب منى اجاهد
مش مطلوب منى احقق نصر
لكن مطلوب منى اشيل سلاحى واحارب لاخر نقطه فى دمى
النصره فى الحرب مش شطارتك انت
لكن معونة ربنا وقوته بتنتصر فيك
لما بتلاقيك امين وتصر على جهادك بالرغم من سقوطك
والمسيح مش بيكلل المنتصرين بس
لكنه كمان بيكلل اللى ماتوا
وهما لسه بيجاهدوا ضد الخطيه بالرغم من سقوطهم
الجندى اللى استشهد فى الحرب يكلل
بالرغم من أنه محققش انتصار لكن يكفى أنه مات وهو ماسك سلاحه وبيحارب
مهما كانت الحرب قويه عليك ومهما كان ضعفك
ومهما كانت مرات سقوطك كتيره ومتكرره
فثق أن ليك زمن افتقاد
وثق أن الله ينظر لجهادك ضد الخطيه بالرغم من سقوطك
على أنه نصره على الياس وفقدان الرجاء