|
 |
 |
 |
|
رقم المشاركة : ( 1 )
13 - 11 - 2019, 10:03 PM
|
|||||||||||
|
|||||||||||
 = ممكن ماتسبنيش! - مانا معاكي أهو = لا أنا مش ع دلوقتي - قصدك أمتي!! = ماتسبنيش لما أسيبك - أشرحيلي كدا = مش أحنا حالياً بنتكلم سوي و علاقتنا كويسة و بنحكي دايماً و بجيلك أول حد و أنا مضايقة - آه مظبوط = أنا مش كل الأوقات كدا، أحياناً الصلاة دي مابقدرش أعملها، طاقتي بتخلص لدرجة إني مابقدرش أجي أبكيلك = بُص ماتزعلش بس أنا أوقات بَقفل من القرب منك ، لا ماتضايقش مش قصدي بس بكلمك بجد، أوقات بَصُد كدا منك و نفسي بتتقفل من إني أصليلك أو من القرب منك و ببقي مش عايزه أسمع حاجه عنك خصوصاً لو زعلانه منك بيعصبني أي حد يجيب سيرتك، أنت فاهمني!! - آه فاهم أوقات بتكوني كدا فعلاً = ماتسبنيش بقي و أنا كدا - قولي عايزه تقولي إيه أنا سامعك = أنا بحبك، خليك متأكد من كدا، قلبي بيحبك جداً ومتعلق فيك و مُنايا القرب منك و بحب أكون بـ قُرب منك، نفسي أكون ع أستقامة معاك ، بس مابقدرش أكون كدا طول الوقت، أوقات بضعف و بتاخدني شهواتي ، فيه حاجات كتير بحبها فـ الدنيا ومابعرفش أبعد عنها، أوقات بَفضَلها عنك_ بكلمك بصراحة شديدة معلش_ أوقات بحس إني مش عايزه أقرب منك!! بضايق من نفسي جداً وقتها بس دي بتبقي "حالة مؤقتة" لما تلاقيني كدا أتصرف - عيزاني أعمل إيه!! = شدني ليك، لو صعب عليا أجيلك هاتني أنت بطريقتك، بُص أنا عارفه إن ليك طُرق كتيره بتجيب بيها الضايعين عنك، بس أنا صدقني هبقي سهلة عليك مش هتتعب معايا كتير، مش هتتعب إني أرجعلك عشان قلبي بيحبك ماهيصدق أنه يسمع صوتك، أنا قلبي مش عاصي عليك، جايز أوقات يكون قافل ع نفسه، مُكتئب ، فاقد للأمل، فاقد للعشم فيك، بس مازال بيحبك! = أما تلاقيني بعيد رجعني ليك هرجع طوالي إن كان صعب عليا أعود لـ حضنك من نفسي شدني أنت هتلاقيني بجيلك مش هعاند ومش هجادل ومش هعترض، لو مش عارفه أرجعلك أرجعلي أنت ، لو لمست قلبي وقتها هتلاقيني تحت رجليك، أصل هي مشكلة قلوب أكتر من كونها مشكلة إيمان، فيه قلوب سَهل إنها تِحن و ترجع و تآمن ، و فيه قلوب غليظة رجوعها صعب _مش بَشكُر فـ نفسي_ بس مش عايزه أسيبك حتي لو سيبتك غصب عني ببقي مش عايزه أسيبك - أنتي عارفة أنتي شبه إيه! = إيه! - شبه طفل بيحب صُحابه جداً فـ الحضانة و بيحب يلعب معاهم، ومع ذلك كل يوم بيُرفض أنه يقوم و يسيب النوم بس لما أمه تدوس عليه شويه و تقَومُه بالغصب عشان ينزل بيبقي مضايق لكن لما بيشوف صُحابه و فَصلُه بينسي خالص النوم و إنه كان مُعترض ع النزول و بيفرح بـ عِشرة اليوم معاهم - أنا بعمل معاكي كدا من غير ما تقولي أوقات بتقمص دور الأم اللي بـ تقوم ابنها بالعافية عشان يروح لحاجة بيحبها_بيحبها لما بيجربها_ أوقات ببعت ليكي ناس تكلمك عني، و أوقات بحطك فـ موقف صعب لوحدك عشان تفتكريني، و أوقات بحطك فـ أحتياج لمشاعر عشان تدوري عليا وتِشبعي مني، بعمل كتير و بحاول فـ حاجات عمرك ما هتفتكري إنها كانت سبب إنها تقربك مني، بس فـ الحقيقة كل اللي بيحصلك أسباب فـ خطة ليكي هدفها أنك تبقي معايا فـ الآخر بس زي ما ليا دور ليكي دور = فَهمني دوري و أنا أنَفذُه - خليكي حساسة لصوتي = يعني إزاي و أعمل إيه!! - مش بتقولي قلبك بيحبني! خليكي دايماً فـ إنتظار صوتي، لما أناديكي و أنتي بعيد تفهمي إني بقولك تعالي فـ تيجي لـ حُضني، أفهمي إن صوتي ممكن يجيلك فـ أي حاجه _ممكن تكون حاجه صعبة و تجربة شديدة_ لما تبقي بعيد أنا هجيلك و هجيبك بس خليكي فـ إنتظاري، أنا عارف إنك بتبقي بعيد غصب عنك، و أنا هبقي قريب وقتها منك_ أقصي مراحل القُرب_ بس أفتكري خليكي حساسة ليا و لصوتي طول الوقت = حاضر هعمل كدا لإن قلبي متعلق فـ اليوم اللي يبقي جنبك فـ قرب منك، عارف أنا نفسي اليوم دا يجي - هيجي، طول ما نفسك فـ حاجه هي صالحة ليكي و أنا كمان عايزها يبقي هتحصل = بس الموضوع مش سهل، أشبه بـ حَرب أخاف أضعف، أَمِل و أسيبك! - مش هتسبيني أنا واثق مهما بعدتي = إزاي! - تعالي اللي بيجرب الحُضن دا ماهيعرفش مايرجعلوش!! أرجعلي_هرجعلك فـى حُب القُرب من حُضنه 
|
|
| قد تكون مهتم بالمواضيع التالية ايضاً |
| الموضوع |
| البوملي لمحاربة القشرة |
| و الاوجاع اللي مَحدشِ يعرفها غيرهُ مَبيسبهاش تِطلع برا حُضنه غير لما يشفيها |
| يا ليت لنا القُرب من المسيح |
| تخلصي من القشرة نهائيًا |
| الصاحب القشرة |
العرض الشجري