قربوهم الاول ليه وهو اللي هيغير

[walaa farouk]

* ليه مش بنفهم ولادنا الحقيقة صح ..
ليه بنقول ان الحياة مع ربنا صعبة وبنسكت !!! ...
ليه مش بنقول ان الحياة من غير ربنا اصعب بكتير ...

* للاسف الشباب الصغيرة بيخدوا الكلمة
وفي كتير منهم رفضوا العيشه معاه ..
عشان بيفتكروا ان الحياة مع ربنا فيها حزن وكآبه ..
فيها ان مش هعرف اضحك واهزر ويكون دمي خفيف ...
صعبنا الحياة اوي ...

الخدام صعبوا اوي الحياة مع ربنا ..
حسسوا الناس انها معقده ...
انها دراسة ومحفوظات ..
رغم ان الحياة مع ربنا اجمل بكتير ...
واسهل بكتير من الحرب النفسية ...
اللي بيعشوها وهما وسط الخطية ..
الشيطان بيتعمد انه يدمر نفسية الشباب ..
فيصعب عليه الحياة مع ربنا ...
ويبعد الشاب ويرجع يصعب عليه حياة الرجوع والتوبه ...

* - فياريت تعلموا ولادكم ان ربنا عاوز قلوبهم ...
خليهم يبعتوا قلوبهم لربنا ...
هو ينضف ويطيب كل الجراح ...
وكل الافكار وقساوة الدنيا والزمان ....

* وبعدين ناخد الطرق اللي توصلنا للسماء
توبه اعتراف حضور اجتماع ...
مش العكس .. !!!!!!

* ربنا مش هيحبك ...
عشان كل يوم رايح الكنيسة وجاي من الكنيسة
ولا وعلي كتر معلوماتك في الانجيل ...
ولا عشان بتحارب طايفة تانيه وبقيت حامي الايمان ....
ولا الفكر ده صح ...

ربنا عاوز قلوبهم وقلوبنا ...
ربنا عاوز القلب ...
القلب لما يرجع بيتغير وهيسمع ويحفظ ويعلم كمان ...
ربنا عاوز القلب
بعدين ندرس ونضع نظام للتقويم وليس العكس...

بلاش نصعب لولادنا الحياة مع ربنا
قربوهم الاول ليه وهو اللي هيغير

وفهموهم ان الحياة من غير ربنا اصعب بكتير اوي ...