تفتكر ح يشبع بيها

[walaa farouk]

لما حد يخانقك علي حقك، دافع عنه طبعا لان الله هو الحق و لا يرضي بالظلم لأحد
، و قد فوضك للدفاع عن نفسك ..

فيه مرات قلبك الحكيم في نور ربنا بيقولك الخناقة دي ح تاكل وقتك
و مشاعرك و صحتك و نفسيتك .، و في الآخر مفيش منها رجا و مش ح ينوبك غير الخساير ..

اصل فيه مرات الظالم بيبقي متجبر ، و مسنود علي ظالمين زيه ؛
بيتحامي في عزوته و نفوذه و سلطاته ..

هنا سيبهاله مخضرة، سيبها له يشبع بيها ..

اللي قبل علي نفسه يظلمك و يبات كاسر نفسك
، يستاهل اللي يجراله.. ح يفرح له يومين و ح تقلب علي دماغه ..
مال الظلم مر ، و حق المظلوم بيحرق صدر الظالم..

اما انت ، فاله المظلومين نصيبك و نصيرك.. ح يعوضك اضعاف:
راحة و سلام و حب الناس و رزق و صحة ، و خ يديك ستر و حماية علي قد ما اتظلمت..

مش بس كده ، ده اللي اتظلمت به ح يلف و يرجعلك احلي و انسب و ابرك..

و اوعي تخاف ، الأسود لا تخاف ..