|
 |
 |
 |
|
رقم المشاركة : ( 1 )
07 - 11 - 2019, 09:29 PM
|
|||||||||||
|
|||||||||||
 *الصور بتبين نص الحقيقة .. *المظاهر مش مقياس .. *الضحكة اللي من القلب دي ساعات بتطلع من قلب مكسور مليون حتة .. *السفرية الحلوة اللي اتعملها check in كان فيها خناقات كتير بس كانت بتعدي *جوا الحاجة الحلوة حجات مُرة بنبلعها معاها مضطرين .. *الفرحة الحلوة جت بعد تعب سنين ومعافرة .. *الفلوس مش كل حاجة واللي بنقبضه أغلبه معروف هايتصرف فين .. *الشهرة نقمة على أصحابها مش قادرين يعيشوا من غير نظرات الناس .. *اللي بيحب اوى جاي على نفسه كتير عشان يفضل محافظ على حبه .. *واللي عنده حاجة مكسورة بيتباهى بيها .. بيحاول يداري عجزه في إنه يستغنى عنها .. *اللي اتخلى وساب ماتحررش .. هو قطَّع من مشاعره وساب تجويف جواه عشان يقدر ياخد القرار .. *اللي بيشتغل تعبان من ضغط الشغل ونفسه في راحة .. واللي مرتاح هيموت من كتر الفراغ اللي جوه عقله ومحتاج يشغله .. *الصغير نفسه يكبر .. والكبير نفسه يرجع لأيام شبابه .. *محدش مرتاح ولا حد عاجبه حاله .. *كل حاجة فالدنيا بناخدها بندفع قصادها تمن .. *الظاهر ليك هو نص الحقيقة بس .. النص التاني مدفون في تنهيدة و كتمة عياط آخر الليل .. ونوم مقطع .. وكابوس مزعج .. وتفكير ملخبط .. 
|
|
| قد تكون مهتم بالمواضيع التالية ايضاً |
| الموضوع |
| المظاهر الخادعة |
| لو القيمة في المظاهر |
| المظاهر |
| لا تخدعك المظاهر |
| مقياس الطول..أم مقياس العمق؟ قداسة البابا شنودة الثالث |
العرض الشجري