15 - 10 - 2019, 11:20 PM
|
|
|
|
..::| الإدارة العامة |::..
|
|
|
|
|
|
- الكلام الحِلو بيفرق جدًا
، قادر يغيّر نفسيتك من شخص مُكتئب لشخص مُبهج ،
يخليك تبتسّم من غيّر سبب ،
الكلام الحِلو بيطبطب على القلب
، بيفتح النِفس ويخلى أفكارك إيجابية جدًا
، متبطلش تقول كلام حلو لأى شخص
، حقيقى بتفرق لما تشوف شخص لابس حاجة جديدة
وتقوله إنها جميلة عليه ،
وقتها هيحب الحاجة دى وهيحب نفسه ويحبك أكتر ،
لما تشوف شخص عمل حاجة مهما كانت تافهه بالنسبالك
بس لمُجرد إنك تقوله قد إيه إنها حاجة عظيمه
هتفرق معاه وإن كلامك ده كان تقدير لتعبه فيها ،
لو مش هتقدر تساعد إللى قدامك بأى شئ
فـ كفاية إنك تحاول تساعدة معناويًا بكلام لطيف
، فى أشخاص كتير إنتحرت
لمُجرد إنها ملاقتش إللى يسمعها أو يحتويها
حتى بكلمة أو بحُضن ، فـ سيب أثرك فى كل شخص
ولو بكلمة حِلوة وهتتفاجئ بشعور السعادة
من غير سبب هتبقى مبسوط لوحدك
من غير أى موقف حصلك ،
علشان ربنا هيجبر بخاطرك بسبب أثرك إللى سيبته
فى قلب كل شخص !
|
