بيقولو انو بالمدرسة اصعب درس هوي اللي ما بتقدر تحفظو مع انو كل ما نكبر منصير نقول عن الدروس القديمة كتير هينين و نواخذ حالنا كيف ما كنا نعرفن بس بالحياة اصعب درس هوي اللي ما بتقدر تنساه! لأنو الحياة بتعلمك بالعكس بتعملك الفحص بعدين بيجي الدرس و ما حدا قال انو الحياة رح تقدملك هدايا. كل يوم بحياتك رح تتلاقى بناس يحبوك و يكونو حدك و بناس يوقفو بطريق اهدافك و من التنين رح تتعلم اشيا ما تنسيا! مع يسوع المعلم الأول كان الدرس بسيط و هين و بعدو لليوم بيبعتلك مراسيل و معلمين من عندو و انت ضايع بين المدرسة و الحياة و ناسي وجود السما! وقف شوي! حمول انجيلك اللي فيه الأجوبة عا كل اسئلتك، تطلع لفوق شكور ربنا عا خريطة طريق الحياة الأبدية و كون اكيد انو مش مصيبة اذا لقيت درس صعب بالمدرسة او حتى بالحياة انظلمت فوق في حدا سهران عليك و شايف كل شي بس ناطر كلمة نعم منك تا يفوت عالخط! يا رب ها هي حياتي في يديك افعل بها ما تريد و الله معكن
07 - 10 - 2019, 02:28 AM
العرض الشجري