علاقات مش في مكانها

[walaa farouk]

فدخل [ابراهيم] على هاجر فحبلت [منه] .
ولما رات انها حبلت صغرت مولاتها في عينيها . (تكوين ١٦)

هاجر كان دورها في حياة ابراهيم مجرد [جارية] .
. مين قالك يا ابراهيم تحطها في مكان اقرب بكتير انها تكون ام لابنك .
. أهي العلاقة اتدمرت واحتقرت زوجتك وزوجتك احتقرتها وغارت منها ..
وانتهت خالص وهاجر هربت !
هل سألت ربنا كويس اوي انك هتحط علاقتك بالجارية في المكانة دي !
ولا هو مجرد احتياج بيحركك !
علاقات كتير بتخرب وتنتهي لما تتحط في مكان مش مكانها !

إتعلم تسأل ربنا عن كل علاقة بيحطها في حياتك
دي مكانها فين ؟
مكانها ارتباط ولا صداقة ولا مجرد خدمة ولا زمالة عمل
ودوري ودوره ايه في العلاقة دي ؟

لان بمجرد انتقال علاقة لمكان مش مكانها سواء ابعد او اقرب
في الحال بتخرب !!
رغم ان كان ممكن يكون لها دور عظيم في حياتكم وتنمو سوا ..

حد ربنا حاطه في حياتك صديق يساعدك ويكبرك .. تروح حاطه في مكان بعيد وتتدمر !
حد يكون ربنا حاطه كرفيق للخدمة يروح عاجبك تروح محول العلاقة لارتباط .. فتتدمر !
حد يكون مجرد زميل عمل ليس اكبر ولا اقل ..
تروح حاطه صديق شخصي مقرب وتحكي له اسرارك ويدمر حياتك !

ياريت نعي لخطورة انك تحط علاقة في مكان مش مكانها سواء اقرب او ابعد ..
وعلي فكرة قوة العلاقة ملهاش علاقة بقرب او بعد لكن قوتها انها تتحط في مكانها المظبوط حسب مشيئة الله .