|
 |
 |
 |
|
رقم المشاركة : ( 1 )
28 - 09 - 2019, 01:31 PM
|
|||||||||||
|
|||||||||||
 كل واحد ، صغير ، كبير عطشان للتقدير .. طبعا التقدير اللي طالع من قلبك و اللي ما لوش اي غرض أو مستني اي مكسب.. ااتقدير بيهدي اي مشكلة مهما كانت ، بيدفي العلاقات ويحتوي الخلافات ، بيمشي المراكب الواقفة ، و بيحرك حتي المشاعر القاسية ؛ التقدير بيطفي نار الزعل في قلب المجروح . . و التقدير الصادق ما يتمسحش، بيعلم في قلب اللي قدرته .. لما حد من في الشغل يعمل حاجة كويسة اشكره واديله حقه قدام باقي زمايله علشان تكبر مقامه .. لما تلاقي ابنك بيذاكر قوله " ربنا يبارك تعبك و يديك احلي تفوق " ، و لما تكلم اي حد بص لعينيه و ابتسم و اسمعه كويس و اهتم بكلامه.. لما تشوف صديقك قوله " انت آخر شياكة " و لو اتأخر عليك في الميعاد اعذره و قوله تقول "مفيش مشكلة، حمد الله علي سلامتك " .. لما تلاقي راجل كبير خلليه يتفضل الأول في الكلام أو ركوب الاسانسير ؛ حتي وإنت سايق خللي اللي مستعجل في التقاطع يعدي و شاور له و ارفعله ايدك بالتحية .. في كل معاملة دور علي مفتاح النجاح الجميل : "قدر الكل" .. كده ح تريح بالك و تكسب سلامك و تعلم اللي بتشجعهم يعملوا كده مع غيرهم و تساهم في نشر حبة سعادة علي حبة حب علي حبة اخلاق حلوة ، و تحبب الناس في الدنيا و تخفف عنهم المهم.. مش كده و بس ح تحببهم في ربنا ، و ح تخللي تدينك حسن معاملة مش شوية كلام ووعظ و بس 
|
|
| قد تكون مهتم بالمواضيع التالية ايضاً |
| الموضوع |
| اسباب خفية للمشاكل بين الزوجين |
| اكبر سبب للمشاكل في الدنيا هو السكوت.. |
| الحل الوحيد للمشاكل النفسية |
| هو عنده للمشاكل ألف حل |
| تصدقوا ان للمشاكل الزوجية......فوائد !!! |
العرض الشجري