|
 |
 |
 |
|
رقم المشاركة : ( 1 )
22 - 09 - 2019, 04:15 PM
|
|||||||||||
|
|||||||||||
 شاف قطة صغيرة في الشارع ، خدها و حطها قدام شقته و ابتدي يأكلها. . طول الليل تصوت و تخربش له علي الباب و بقت تسيب فضلاتها.. ازعاج رهيب و ريحة لا تطاق، و خناقات مع الجيران!! حاول يمشيها مستحيل.. شوية و القطط بتاعة الشارع اتلمت علي بابه .. و ابتدي موسم التزاوج(!!) ، و القطة الواحدة بقوا عيلة كبيرة علي باب شقته .. و لقي نفسه مضطر يا يستضيفهم في بيته ، يا يوديهم ملجأ، و يا ريته كان عمل كده من الأول !! رباية القطط عاوزة اللي غاويها و فاهمها، و يربيها في بيته مش اللي يوكلها و يسيبها علي الباب.. واحد تاني عياله زنوا عليه يشتري كلب ، و هو لا يفهم في الكلاب و لا عمره رباهم و لا بيته أساسا ينفع للكلاب، و هو اصلا بيأكل نفسه بالعافية !! و مذاكرة الولاد اتعطلت، و النباح زاد و المكان نضافته بقت صعبة .. و ابتدي الكلب يكبر و طلباته تزيد: اكل و شرب و حمام و تطعيم و فسح و نوم .. و كل ما يسافر يدور علي مكان يسيب فيه الكلب .. و ابتدي يدور ازاي يخلص منه... اصل رباية الكلاب عاوزة اللي فاهمها و دارسها و محتاج حراستها أو ونسها، مش شرا و خلاص !! واحد عطف علي زميلته في الجامعة، و ابتدي يساعدها باندفاع شديد مش محسوب ، و لقي نفسه متورط معاها نفسيا و عاطفيا ، طلبات و ابتزاز مادي و عاطفي، تليفونات ما بتخلصش ، و تهديد و عياط و فضايح.. . و بقي مش عارف يخلص من ضغطها و لا زنها.. كده الجرجرة تتعب صاحبها : من أول ما تربي قطة أو كلب ، لحد ما تتورط عاطفيا مع حد مش مناسب ، أو تشتري شقة و انت مش قد اقساطها، أو تضارب في البورصة و انت ما تفهمش فيها، أو تقدم ورق للهجرة و انت مش عارف عنها حاجة .. جرجرة فيها تتزحلق من نقرة لحفرة لدحديرة .. قبل ما تتورط يا صديقي ، فكر، و أسأل و صلي .. 
|
|
| قد تكون مهتم بالمواضيع التالية ايضاً |
| الموضوع |
| قوة خرخرة القطط |
| خرخرة القطط |
| كيف تصدر خرخرة القطط؟ |
| خرخرة القطط |
| شوربة حريرة مغربية |
العرض الشجري