بيخبرو عن معلمة سألت تلميذ: اعطيني مثَل بيفرجي انّو الأجسام الصلبة بتتمدّد بالحرارة العالية و بتنطوي بالبرد. ردّ التلميذ: هينة كتير، عطلة الصيف 3 اشهر بس بالشتي منعطل بس اسبوعين عا عيد الميلاد!
كتار قالو هالصبي فاهم الموضوع غلط. و كتار اعتبرو هالتلميذ مهضوم و ضحّكن. و منّن اعتبروه مش رايح يتعلّم و عم يضيّع وقتو و وقت رفقاتو و اذا بدنا نكمّل نعدّ آراء ما منخلص...
كل هالقصة حتّى نقول انّو شو ما عمِلت الناس رح تحكي، ان كان بالمنيح او بالعاطل. في ناس ما عندن شي الّا يراقبو و يحلّلو و يحكو مع انّو اكتريّة الوقت ما بيكون الُن علاقة بالموضوع لا من قريب و لا من بعيد! كرمال هيك اعملو اللي بيرضي ضميركن و ربنا و ما تهتمّو لشي تاني! الله معكن
27 - 08 - 2019, 04:22 AM
العرض الشجري