كلمية بلغته

[walaa farouk]

ازاى تتكلمى بلغه طفلك عشان يفهمك
======================
عشان تتجنبي سوء الفهم اللي بيزود الشعور بالرفض وبيزود المسافة بينكم

احنا كبشر عندنا احتياج اساسى للتواصل والعاطفه و الأطفال كمان عندهم نفس الاحتياج
وفي الواقع اذا ماوصلوش لاحتياجهم ده بشكل يرضيهم هيؤدي لمشاكل سلوكية

إذا اتكلمتى أنت وطفلك بلغات حب مختلفة احتياجاته العاطفية مش هتشبع بشكل صحيح

وكل ما كان طفلك بيرسل ويستقبل الحب بطريقة صحية
هيكون مهيأ بشكل أفضل لبناء علاقات قوية في المستقبل مع عيلته واصحابه ومراته واولاده

لغات الحب الخمس هي:

-الهدايا "المفاجأت"
-اللمس "الطبطبه والاحضان"
-وقت مخصوص "لوحده"
-الخدمة "مساعدته في المهام الخاصه بيه"
-كلمات التقدير "الكلمات الايجابيه"

لما تكتشفي لغه الحب الخاصه بطفلك خللي بالك من ٣حاجات مهمه

١- انك بتتعاملى مع مشاعر مش معادلات رياضيه محتاجه فن في التعامل
مش علم بس كن وخليكى مرنه في طريقه اظهارك لحبك ليهم.

٢- بغض النظر عن لغة الحب الأساسية لطفلك شاركيه بال٥ لغات للحب
ماتقوليش مش هقعد معاه وقت مخصوص عشان هو لغته "الخدمة".

٣- اعرفي لغه حبك انتى كمان وازاى بتستقبلى وبتعبرى عن حبك.

اشحنى رصيد العطف والمحبه بينكم
لان فهم لغة حب طفلك هيفرق في علاقتك بطفلك وخصوصا وقت الصراعات والمراهقه