فتش في تاريخك

[walaa farouk]

فتش يمكن تلاقي حاجات قديمة تفسرلك اللخبطة اللي انت فيها دلوقتي ..

ممكن يكون اللي طبعك العنيد هو السبب المباشر للي انت فيه دلوقتي :
لسانك الصعب ، تريقتك علي كل واحد تشوفه ، أهمالك لمشاعر اللي حواليك..
يمكن تكون ظلمت واحد و تعبته أو صحكت علي واحدة و خليت بيها ..
و يمكن تكون ظلمت حد و شهرت بيه او كلت حقه و ما رديتش اللي عليك ليه ،
و الايام ارتدت عليك بالفوايد !!

يمكن تكون تعبت اهلك و عذبتهم .. يمكن تكون خنت الأمانة نحو الناس
و كان مخك كله في المكسب و دست علي ناس كتير علشان توصل ..

الدنيا فيها موازين عدل ، و لما بتتوب الكفة بتتعدل، لكن فيه حاجات بتلف و ترجع لك
، و اللي عملته بيتخزن لك و يرجع عليك ..

خللي بالك علي نفسك، و ما تبقاش تظلم ربنا و تقول ان هو السبب ..

كتير من اللي انت فيه دلوقتي انت اللي كنت السبب فيه لنفسك،

حوشت و حصدت اللي انت زرعته..

بس المهم اللي يسمع و يفهم و يفوق بدرى بدرى ..