بيخبرو عن شبّ راح عا محل زغير بدّو يتغدّى. هيّي و الستّ عم تحضّرلو طلبيتو فات عالمحل زلمي طلب قنّينة مَي و المرا ما انتبهتلو قام الشب الناطر عطاه قنّينة مَي و اخد حقها و حط المصاري عالصندوق. بعد شوي اجا زلمي تاني طلب كل المَي اللي بالبرّاد كمان الشبّ عطاه ياهن و اخد حقّن حطّن عالصندوق و جاب مَي غَيْرن حطّن محلّن بالبرّاد. اجت المرا بعد ما حضّرت الطلبيّة قلها الشبّ مدام هَودي المصاري حقّ مَي اجو زبونات بعتن ياهن حتّى ما عذبك تتركي جوا و ترجعي! شكرتو المرا كتير عا مساعدتّو و ما صدّقت شو صار! حدا تاني كان قادر ياخد المصاري، حدا تاني كان بيقدر يقلّن ما في حدا هون و يخسّر المحلّ زبونات...
الزوّادة اليوم بتقلنا مش مزبوط ما بقا في ناس منيحة مع انّو الأشرار يمكن عدَدُن اكبر، مش مزبوط انّو الدني ما فيها امان بقا مع انّو الأسباب اللي بتدلّ عهالشي كتيرة....اذا بدّك تغيّر العالم بلّش بحالك...الله معكن
17 - 08 - 2019, 06:16 AM
العرض الشجري