زوّادة اليوم: الوقت تغيّر : 16 / 8 / 2019 /

[souad jaalouk]

زوّادة اليوم: الوقت تغيّر

بيخبرو عن شب اشترى 2 كيلو خيار و راجع عالبيت. شاف زلمي ختيار عالطريق وقّفلو حتّى ما يبقى بالشمس و بِيوَصلو عا طريقو. شاف الختيار الكيس و سألو قدّيش دفعت حقّن. قلّو الشب 4000 ليرة، جاوب الختيار: يعني بالكيس في 4000 خيارة؟ بالأوّل الشبّ فكّرو عم يمزح بعدين عرف انّو عم يحكي عنجد. قلّو لأ يا عم اكيد ما بيطلعلنا 4000 خيارة! دمّعت عيون الختيار و قلّو عا ايّامنا بس كانت الليرة تحكي 4000 ليرة كانو معاش زلمي! الزوّادة اليوم بتقلنا انّو الوقت تغيّر و كل شي تغيّر و الناس اللي شهدو هالتغيير صعب عليهن يتقبّلوه. فكرة التغيِير بحدّ ذاتها بتخوّف كتار، مش هيّن ابدا تكون متعوّد عا شي و فجأة يبطّل موجود. بهيك أوقات قد ما كنّا قوايا يمكن نضعف...بس دايما تذكّرو انّو اللي الله معو ما في شي بيكسرو. قد ما تغيّر اشيا انت يا رب الوحيد الثابت و ما بيتغيّر...الله معكن