اذاى تعيش صوم العدرا فى الغربه

[walaa farouk]

اجواء مصر مختلفه تماما عن اجواء المهجر بسبب حاجات كتير ..
فى مصر ممكن تلاقى مليون كنيسه جنبك لكن فى المهجر هى كنيسه واحده
فى منطقتك وممكن تبقى بعيده عنك ومحتاجه عربيه
ولو معاكش عربيه محتاجه موصلات وممكن كنيسه مايكونش فيها اتوبيسات
تاخد الشعب فتلاقى نفسك مش عارف تحضر النهضه او تعيش نفس اجواء اللى كنت عايشها فى مصر
عاوز اقولك على كام نقطه مهمه تقدر تعيش بيها صوم العدرا وانت فى غربتك
اول حاجه عيش الجو الروحى لان الجو الروحى بيفرق جدا فى الحياه الروحيه
يعنى ايه؟
يعنى مثلا
1) تزين صوره العدرا اللى عندك فى بيتك زينه حلوه
وتحط قدامها شمعه كل يوم وتشغل ترانيم العدرا القديمه اللى كنت بتسمعها فى مصر
وانت ماشى فى الشوارع
2) كل يوم الصبح قبل ما تروح شغلك تقف قدام صوره العدرا وتقولها حتى اكسيا
3) تخلى بيتك فى الايام دى كله ترانيم وتسبيح شغاله
وابعد شويه عن الجو اللى انت عايش فيه طول الوقت
طب اذاى اعيش بقى صوم روحى وانا ظروف الغربه تختلف عن مصر؟
1) لو كنيستك قريبه منك لازم تروح وماتكسلش بعد شغلك .
وتحضر النهضه لو الكنيسه بعيده عنك حاول تكلم حد يوصلك للكنيسه
ولو مره او مرتين فى الاسبوع. ولو الكنيسه بتلف عليك بأتوبيس يبقى ماتكسلش وتيجى تحضر
2) لو ظروف شغلك مختلفه وعندك شغل بليل شغل التمجيد على موبايلك واسمعه وارفع قلبك
3) حضور القداسات مهم اوى فى صوم العدرا على الاقل لو مش هاتحضر قداس كل يوم
ارجوك بلاش تكسل فى قداس السبت او الاحد
4)الصوم مدته 15 يوم لو كل يوم صليت 10 مزامير هاتخلص سفر المزامير فى الصوم
. تاخد 5 مزامير الصبح و5 بليل
5) قلل شويه فى اكلك والتلفزيون والنت او اي شئ ترفيهى ممكن تعمله
انا عارف يا شباب ان حياه الغربه والمهجر صعبه بس لما نعيش الحياه الروحيه من جوانا
على اد ما نقدر هانفرح
يعنى معنديش كنيسه فى منطقتى بس عندى قلبى ولسانى اللى ممكن يسبح
معنديش وقت اجى النهضه بس عندى وقت اصلى وانا فى مكانى
انا عاوزكم يا شباب تمسكوا فى ربنا مهما كانت الضغوض والسقطات
والبعد عن الاجواء الروحيه المعتاده
قول لنفسك وانت فى الغربه بنعمه ربنا وصلوات الحنونه مريم ال 15 يوم بتوع الصوم دول
هايبقوا لربنا بأى شكل من الاشكال
#بالمسيح_نقدر