|
 |
 |
 |
|
رقم المشاركة : ( 1 )
12 - 07 - 2019, 08:28 AM
|
|||||||||||
|
|||||||||||
 حتي في الاكل أخلاقك تنور.. ١-خليك عفيف ، لو في عزومة اطلب علي قدك و اقل من اللازم حتي ، علشان ما تكلفش الناس، و الدنيا عمالة تغلي .. ٢-خليك خفيف ، حاسب علي طلباتك و اتفق مع الناس علي كده علشان ما تتقلش علي حد .. ٣-خليك كريم، أغرف لغيرك الأول، و اعزم علي اللي حواليك قبل نفسك ، خليهم يحسوا انك مهتم بيهم قبل نفسك.. ٤-خليك حريص، و حاسب من "الطفاسة" حتي لو بهزار ، و ده موضوع كبير : -مثلا اوعي تاخد أكبر نصيب أو تغرف بدون وعي و كأن الأكل ح يخلص و ح تقوم مجاعة في العالم !! -اغرف علي قدك و خلص الطبق، و ابقي اغرف تاني لو كنت جعان !! -أوعي "تزلط" أو تاكل و تشرب "بصوت" (انت اكيد عارفه) .. -استخدم الشوكة و السكينة كل ما تقدر ، الاكل بالايد افضل يبقي في بيتك أو لو عيلتك متعودة علي كده .. -اوعي تنقي اكبر نصيب (محبة النصيب الأكبر رذيلة) ، لو قدامك جزء أكبر اعزم بيه و خد الاقل .. -ما تبصش لحد و هو بياكل و لا تعلق عليه أو تتريق (ما يصحش) -الاكل دايما فرصة للحكاوي : سيب صاحب العزومة أو كبير القاعدة يحكي و ما تاكلش الجو و تسيطر علي القاعدة أو تستظرف علشان تلفت النظر . . لو ضروري شارك بلطف و ادب .. علي فكرة الناس بتلاحظك و انت بتاكل، و انطباعاتهم عنك بيسجلوها في عقلهم من غير ما تعرف!! أخلاقيات الاكل رقي انساني كتير بننساه، لكن في الاخر بيخليك تحترم نفسك و بيقدمك للناس غالي و محترم و مهذب .. 
|
|
| قد تكون مهتم بالمواضيع التالية ايضاً |
| الموضوع |
| تعمل ايه لو حد شرق وهو بياكل |
| طفل شاف جده بياكل الجيلى |
| يا اهو كلو بياكل عيش |
| ولا بياكل معانا يا تونة |
| هناك أنسان تحترمه لأنه محترم وأنسان تحترمه لأنك محترم |
العرض الشجري