صدق نفسك

[walaa farouk]

تبقي طيب يركبوك، تبقي جد و حازم يستتقلوا دمك
، تبقي شوية كده و شوية كده يقولوا بوشين ..

و قيس علي كده ..
تضحك يقولوا بيستظرف،تبقي جد يقولوا قتم.
. تتكلم يقولوا يحب يظهر ، تسكت يقولوا بيتكبر
.. ترد علي الناس يستبيحوا وقتك و يتكلموا طول النهار
، ما تردش و الوقت مش نافع يقولوا بيتعالي علي الناس
.. تخدم الكل يستغلوك ، تعتذر لأن الموضوع مش عندك
يقولوا مش فاهم و مش عارف و مش عاوز ..

افتكرت كلام السيد المسيح: "زمرنا لكم فلم ترقصوا.
نحنا لكم فلم تبكوا. (لو ٧ : ٣٢)" .

و الحل ؟؟
خليك نفسك و صدق قلبك و اقفل ودنك ، و اوعي تزعل ..
اصل بني ادم ما بيعحبوش العجب ..
حتي ربنا نفسه تبارك اسمه مش عاجب الناس و فيه اللي بيسيبه و بيهاجمه و بيستهتر بكلامه ، يبقي ح تعجبهم انت ؟؟

كان عنده حق جحا لما شال الحمار من كتر ما الناس هاجموه..