بيخبرو انّو القدّيسة تريزا دي كالكوتا بس ربحت جائزة نوبل للسلام طلبت انّو بدل العشا اللي دايما بتنظمو لجنة جائزة نوبل للربحانين يتقدّم المبلغ اللي قادر بيغطّي تكاليف اكل ل400 طفل بالهند لمدّة سنة كاملة!
هالقدّيسة الكبيرة عرفت تنظّم الأولويات و نقلت فكرتها للعالم كلّو! دايما بالحياة في المهم و في الأهم. قدّيش نحنا اليوم قادرين نشوف هالشي و نلتزم فيه؟ قدّيش قادرين نحط انانيّتنا عا جنب اذا كان غيرنا هوّي الأولويّة؟ قدّيش معقول نضحّي بمصلحتنا كرمال غيرنا؟ قدّيش عم نشوف انّو اشيا عنّا ياها و بالنسبة النا زغيرة و تفاصيل و مش مهمة غيرنا هيّي هدف حياتو كلها؟!
يمكن كمّيّة الأكل بعشا نوبل كانت عاديّة كتير بنظر المنظّمين بس خياليّة و حلم لطفل عم ينام جوعان...فكرو بغيركن و ما تعتلو هم حالكن الله بيعتني فيكن..."لأنه أوصى ملائكته بك ليحفظوك في جميع طرقك-مزمور 91"...الله معكن
28 - 05 - 2019, 02:20 AM
العرض الشجري