فضيحة في صورة نصيحة

[walaa farouk]

فيه ناس عندها فن "فضيحة " الآخرين.. كل اللي عندها انها تدور في اخطاء الغير
و تنشرها تحت اسم "النصيحة" .. تمسك سمعة إنسان لا تعرفه و لا تعرف حقيقته
، و تنشر عنه اللي يشوهه و يقتل سمعته بكلامها أو كتابتها ..

الناس دول يتحطوا علي درجة أشر من درجة القتلة ؛
القاتل بيدبح الجسد مرة واحدة ، و القتلة دول بيدبحوا النفس و يعذبوها عشرات المرات ..
حتة كلمة وحشة في حق إنسان ممكن تدمر حياته و ممكن عيلته أوحتي مستقبله ..

و الاعجب أن ضميرهم مهاودهم و مساعدهم تحت اسم "الحق"
، و الحق منهم بريء ..

للي عمل كده الدنيا دوارة و مش بس ح تدوقك من نفس كاس الفضيحة
ده انت ح تشربه كله لان قانون العدل الالهي ساري و لو بعد حين ..

و للي اتعمل فيه كده بافكرك بحاجتين:

الاولي :نفس ربنا يسوع الناس اللي حبها فضحته و طول حياته اتهموه في سمعته
و حتي في وقت عذابه شالوا من عليه حتي التوب اللي ساتر جسمه..

و التانية : اسكت و اصبر و ح تشوف دفاع الله عنك و حب الناس اللي ح يعوضك فوق ما تحلم ..