28 - 03 - 2019, 10:06 PM
|
|
|
|
..::| الإدارة العامة |::..
|
|
|
|
|
|
فى أسابيع الصوم الكبير هتلاقى أربع شخصيات
حطتهم الكنيسة وبتقرا أناجيلهم 📖📖
✟ الأبن الضال بيقولنا :
مهما كانت بشاعة خطيتك اللى عملتها بكامل إرادتك فى حق أبوك
ماتقلقش إرجع ليه هو واقف فى الشُباك يبُص عليك ومستنيك عايز يلبسك خاتم البنوة وماتُستعبدش
✟ السامرية بتقولنا :
مهما كان تكرار خطيتك اللى بتقع فيها مره وإتنين وتلاتة وسبعة
..مغلوب منها وعبد ليها ماتفشلش إتقابل معاه هو قاعد على بير المايه
ومستنيك عايز يديك ماية حية وماتعطش
✟ المخلع بيقولنا :
مهما كانت مدة خطيتك اللى عايش فيها عُمرك كله ولو ٣٨ سنة ماتستسلمش قوله أُريد ياسيد
هو جاى يدور عليك لما الكل إتخلى عنك
ومستني عايز يشفى نفسك وجسدك وماتموتش
✟ المولود أعمى بيقولنا :
مهما وصلتك خطيتك للعمى الكُلى وشالت منك قرنيتك
ومابقاش فيه ذرة أمل ماتيأسش نادى عليه جوه قلبك
هو سامع آهات قلبك ومستنيك عايز يعمل بيك أعجوبة وقادر يخلق عيون جديدة تنور قلبك وماتهلكش
|
