|
 |
 |
 |
|
رقم المشاركة : ( 1 )
14 - 03 - 2019, 06:29 PM
|
|||||||||||
|
|||||||||||
 ماتدوروش عن القديسين من خلال المعجزات او تنبؤات المستقبل او اللي ايده بتنور وقت الصلاة ولا من صورة نزلت زيت او ان اجسادهم مش بتتحلل ، وانهم لازم يكونوا اساقفة او رهبان او كهنة *لو وقفت في الشارع علشان واحد هايلمّع لك جزمتك خلّي بالك كان في واحد زيّه من زمان نقل جبل وكل الإكليروس كانوا وراه *ولو شفت واحد بيجر عربية بايده في الشارع ماتنساش ان فيه بيّاع ملح في الشوارع زيه زمان بنوا علي اسمه كاتدرائية في العباسية وجعلوها مقر قداسة البابا *ولو شفت واحد لبسه متقطع ومش عاجبه حالنا وعدم توبتنا إفتكر اللي كانت الناس بتهزأ بيه زمان وتقول برسوم العريان *ولو شفت واحد غني جدا داخل الكنيسة بكل خشوع ويحيا بمخافة الله ها يفكرك بواحد بني كنائس كتير أوي وأعطي الكثير جداً للفقراء ومذكور في السنكسار *ولو جالك صنايعي يعمل ليك المحّارة والنقاشة في شقتك الجديدة عامله باحترام كبير لأن ناس زيه استحملت عذاب أربعين يوم في ليبيا ممكن انا وانت ماكنّاش نقدر نتحمله *ولو عرفت ان فيه شاب بقي ملحد أو كل يوم في الديسكو ما تنساش ان أغسطينوس واحد من اعظم مفسري الكتاب كان عايش هو كمان زيّه وياريت تفتكر كمان أمه اللي بهدلتها حماتها وزوجها وبصلاتها صاروا مؤمنين *ولو سمعت عن واحدة عايشة ف الخطية يمكن تكون نهايتها زي بائيسا ومجدها العظيم في السما وأكيد انت عارف ان فيه اتنين ستات متجوزين كانوا زي القديس مقاريوس وطبيب في بلد كان زي الأنبا أنطونيوس حسب اعلان الله لهم بإختصار القديسين ليسوا فقط خرّيجي الصحراء والأديرة بل من يعيشون وسطنا ونراهم كل يوم ونشفق عليهم أو نشمئز من حالتهم أو ندينهم ولا نعرف انهم جهّال العالم وضعفاؤه الذين إختارهم الله ليخزينا 
|
|
العرض الشجري