|
 |
 |
 |
|
رقم المشاركة : ( 1 )
01 - 03 - 2019, 10:09 AM
|
|||||||||||
|
|||||||||||
 ما تدخلوش في علاقات عاطفية كتير .. مع سهولة التواصل وبضغطة واحدة بقي سهل انك تعمل علاقة عاطفية سريعة وتخلصها تدخل ع اللي بعدها وهكذا لكن العلاقات العاطفية الكتير ضارة جدا للاسباب الاتية : • هاتقتل بريق وشغف الارتباط .. هتلاقوا نفسكم الموضوع بقي عادي جدا زي الصداقة والزمالة . • هاتهلك المشاعر .. والمشاعر مش هاتكون بكل طاقتها هاتفضل تقل وتستنزف مع الوقت .. لان العلاقات العاطفية والقريبة عموما زي الطريق السريع بتسحب بشدة اكبر قدر من المشاعر .. • هاتتعبوا بعض .. لانكم هاتفقدوا روح المفاجأة والاهتمام لان كل ده عدي عليكم كتير ومابقاش فيه جديد . • كتر العلاقات هايخليك تشوف الشباب او الشابات كلهم واحد .. مش هاتميز اي شخص زي الشخص اللي بيشوف البشر من عدسة مزغللة او ازاز عربية مشبر شايف كله زي بعضه مش مميز اي ملامح . • مش هاتقدر تكتفي بشخص واحد .. لان الموضوع وصل معاك لادمان علاقات ومقارنات ودايما بتفتكر ميزات كل شخص ارتبطت بيه وتدخل في حيرة . الموضوع ده بقي ظاهرة منتشرة بكثرة .. وعايز كتاب لوحده وبقي شباب وشابات لسه في اول العشرينات وعندهم رصيد كبير من القصص .. اللي للاسف بعد شوية هايدفعوا ضريبتها وتكلفتها لذلك : ماتدخلش في علاقة بسهولة الا وانت دارسها بنضج كويس جدا وحاول تحسم الامر وانت علي البر قبل ما تدخل في علاقة عميقة .. لان كل علاقة قريبة ليها ضريبة وتكلفة باهظة التمن لازم هاتدفعها من جواك من اعماق قلبك .. علشان كدة : يا حظكم ويا هناكم لو دخلت الجواز بدون تجارب عاطفية كتير .. ويا سلام لو كانت اول علاقة حب هي علاقة الجواز وهي اول واخر علاقة ارتباط ليكم . ماركو_جرجس 
|
|
العرض الشجري